|
|
'Umuhimu wa kupaka nyumba rangi mpya'
Kupaka rangi mpya kwenye nyumba au chumba
kilichochoka ni dawa mojawapo ya kupendezesha makazi na kunaweza kukifanya au
kuyafanya yawe maridadi zaidi
|
|
Hivyo kama unataka kufanya nyumba yako iwe maridadi
na ng’aring’ari tumia mbinu mbalimbali mojawapo ni kupaka rangi mpya na
kuleta muonekano maridhawa.
|
|
Kuchagua Rangi
|
|
Ni muhimu kuchagua rangi kwa uangalifu. Ni vyema
kuwatumia mafundi wanaofahamu zaidi jinsi ya kutengeneza ama kuchanganya
rangi.
|
|
Kumbuka kuwa zaidi ya kufanya nyumba yako ionekane maridadi,
rangi pia inaweza kuathiri hali yako ya moyoni na utulivu wa akili. Rangi
angavu husisimua akili na macho, lakini rangi ambayo si ya kung’aa huelekea
kumtuliza mtu.
|
|
Wataalamu wanasema huenda rangi fulani inaweza
ising’are na kusababisha mdororo inapopakwa ndani ya kuta za jengo, lakini
ikawa angavu zaidi inapopakwa nje ya jengo hilo. Kwa hiyo ni muhimu kujua
rangi zinazofaa nje na ndani. Kupaka nyumba rangi ya njano ya dhahabu ‘gold
yellow’ na “rangi nyeupe ya kijivu.” Kunaleta mvuto mwanana.
|
|
Ni lazima kujua ni rangi gani unayopaswa kutumia
kupaka nyumba hii ni kwa sababu zipo aina mbili za rangi ya nyumba nazo ni za
mafuta na rangi za maji.
|
|
- zile za mafuta huwa ngumu sana zinapokauka, kwa hiyo
zinafaa zaidi mahali panaposhikwa au kuguswa guswa mara nyingi, kama vile
kwenye milango na kwenye ncha za mbao.
|
|
Hata hivyo, rangi za mafuta huchujuka na kutoka
baada ya muda.
- Kwa upande mwingine, rangi za maji, huhifadhi rangi yake
(hazipauki) na hazitoi harufu mbaya kama zilivyo za mafuta.
|
|
Tofauti ya rangi ya maji na ya mafuta ni kwamba za
mafuta zinasababisha joto zaidi lakini za maji zina nafuu. Kwa hiyo ni vyema
zaidi wanaokaa kwenye majira ya joto kali wakaepuka za mafuta ni vyema
kutumia za maji kwani ziko murua kwenye jua na baridi kali.
|
|
Rangi zote mbili hung’aa kwa njia nne kuu na
wataalamu husema aina ya kwanza ya mng’ao huitwa gloss inafaa kutumiwa katika
vifaa ambavyo vinatumiwa sana .
|
|
Aina ya pili inayoitwa satin inafaa kupakwa bafuni
na mahali pa kupitia au mara kwa mara kwenye verenda .
Aina ya tatu inayoitwa
low sheen
Na ya nne inayoitwa flat zinafaa chumba cha kupumzikia au sebuleni.
Aina hiyo ya nne inafaa kutumiwa katika dari.
|
|
JARIBU KUPAKA
|
|
Wakati mwingine ni vizuri kujifunza. Jaribu kupaka
rangi na unapopaka rangi unatakiwa kuandaa mazingira ambayo hufanikisha kazi
hiyo nayo ni pamoja na kuondoa fanicha au samani unatakiwa kutandika mashuka
yaliyozeeka sakafuni ili kuzuia isianguke chini na kuacha madoa.
|
|
Baada ya hapo unakwangua na kuondoa rangi ya zamani
iliyochakaa inayokwanguliwa kutoka kwenye fremu za madirisha, ncha za mbao,
na dari. Kama nyumba yako haijapakwa rangi hata siku moja na kuta zake
zimepigwa plasta ziko katika hali nzuri, lakini zinahitaji kuoshwa kwa maji
na sabuni kabla ya kupakwa rangi kwani zina vumbi.
|
|
Kazi ya kupaka rangi inakereketa ni lazima kuvaa
vichuja-hewa puani na midomoni? Ili kuzuia rangi na vumbi ya plasta isiingie
na kusababisha kuwashwa koo.
|
|
Ni vizuri pia kuvaa miwani ili kuzuia uchafu kuingia
machoni wakati wa kufanya kazi. Ni vizuri kuwa waangalifu sana unapotumia
rangi iliyotengenezwa kwa risasi.
|
|
|
0 comments:
Post a Comment